പോത്തന്‍കോട് കല്ലൂര്‍ കൊലപാതകം; രണ്ടു പ്രതികള്‍ കൂടി പിടിയില്‍

Two more accused arrested

0

തിരുവനന്തപുരം; പോത്തന്‍കോട് യുവാവിനെ വെട്ടിക്കൊലപ്പെടുത്തിയ കേസില്‍ രണ്ടു പേര്‍ കൂടി പൊലീസ് പിടിയിലായി.

ഇതോടെ അറസ്റ്റിലായ പ്രതികളുടെ എണ്ണം ഒമ്ബത് ആയി. അതെസമയം കേസിലെ മുഖ്യപ്രതികളായ ഉണ്ണി, രാജേഷ്, ശ്യാം എന്നിവരെ ഇതുവരെ പൊലീസിന് പിടികൂടാനായിട്ടില്ല.

ശനിയാഴ്ച ഉച്ചക്കാണ് ചെമ്ബകമംഗലം സ്വദേശി സുധീഷ് ഒളിവില്‍ കഴിയവേ കല്ലൂരിലെ വീട്ടില്‍ വെച്ച്‌ കൊല്ലപ്പെടുന്നത്. ഒന്നാം പ്രതി ഉണ്ണിയുടെ അമ്മയ്ക്ക് നേരെ ബോംബ് എറിഞ്ഞതുള്‍പ്പെടെ ഇരു സംഘങ്ങളും തമ്മില്‍ സംഘര്‍ഷമുണ്ടായിരുന്നു. ഇതിന്‍റെയെല്ലാം പ്രതികാരമായിരുന്നു കൊലപാതകത്തിലെത്തിച്ചത്.

സുധീഷിനെ മൃഗീയമായി കൊന്നതിനുപുറമെ കാല്‍ വെട്ടിയെടുത്തു റോഡിലെറിഞ്ഞ് ആര്‍പ്പുവിളിക്കുകയും ചെയ്തു. ആറ്റിങ്ങല്‍ മങ്കാട്ടുമൂലയില്‍ നടന്ന രണ്ട് അക്രമ സംഭവങ്ങളുടെ തുടര്‍ച്ചയാണ് കല്ലൂരിലെ കൊലപാതകം. അക്രമികളെ സംഘടിപ്പിച്ചതും, കൊലപാതകം ആസൂത്രണം ചെയ്‌തതും കുപ്രസിദ്ധ ഗുണ്ട ഒട്ടകം രാജേഷാണ്.